Gotar

Nivîsandina bi kurdî helwest û perwerdeya bi kurdî ye

çima ez bi zimanê kurdî dinivisînim?.

jixwe yê ko bi zimanê serdestan dinivîsîne, alîkariya serdestan di têkbirina zimanê kurdî de dike.

-  Nivîsandin bi kurdî helwestdan û perwerdeya bi kurdî ye, derbirîna bi kurdî ye..

- ji bo min nivîsandina bi kurdî piştdanîna dujmin e, dujmin bi hemû hêza xwe hewl dide pişta me bi têkbirina zimanê me deyne, û em, ew ên bi kurdî dinivîsin li gor karîna xwe hêzê didim ziman û merovê kurd dako li ser pê û pêşeroja xwe biraweste.

-ji bo min nivîsandina bi kurdî encama şer û cenga dawî û hebûn û nebûnê ye, poşa min (wek kurd) a dawî dê ala serkeftinê bilind bike.

-nivîsandina te bi zimanê serdestan piştgiriye ji zimanê serdestan re li dijî zimanê bindestan, zimanê te.

-xaleya sereke ji bo ez bi zimanê serdestan nenivîsim, hun zanin wêje nivîsandin bi zimanê serdestan têkçûn û şikestina zimanê bindestan e û tê wateya; ew ê bi zimanê serdestan dinivîse rolê nade zimanê xwe dako dîrok pê bê nivîsandin, ji bo xwendin û zendîkirina zimanê kurdî, zimanê kurdî pûç û ber bi mirinê de dajo, her wisa ew kesana zimanê dujminan zendî û çalak dikin. Ez û hemû kesên bi kurdî dixwînin û dinivîsin, em helwesta xwe bi nivîsandina bi zimanê kurdî radigihînin. Dako ala zimanê me jî di nav alên zimanên cîhanî de bilind bibe.

-Nivîsandina bi kurdî giyanê zimanê kurdî lê vedigerîne.

-dema tu bi kurdî dinivisînî tu bi şêweyekî ji şêweyan hewl didî ko giyanê ziman lê vegerînî, ev zimanê ko bi sedên salan e êrîşên dijwar têne ser, dako me bi riya têkbirina ziman, têk bibin. jixwe em bê ziman û bê nivîsandina bi zimanê netewa xwe, em ne tiştekin.

-Ez di vê demê de, di dema Internet û Globalîzmê de bêtir li ser zimanê kurdî bi tirsim, ji ber gelek sedeman; ne berpirsyariya xwedî û bidestxistiyên malperan û belavkirina her tiştî, dako rûpelên malpera xwe dagirin, ne standardkirina ziman, pêkanaîna zaravan wek zimanên netewî, xurtiya zimanê Internet wek zimanê Ingilîzî. Nivîsandina bi çend alfabeyên curbecur.

-ji bilî ko nivîsandina bi kurdî parastin û perwerdeya kesê kurde, min guman dikir ko nivîsandina bi kurdî dê nan bide min, min ne dizanî ko dê gepa min ji devê min derxîne û bi avê de berde. Jixwe gereke wisa bi me bê dako zikê me bêtir li ser zimanê me biêşe, ziman berî nan û avê ye. Û ji bo ko em xwe wek kurd biparêzin, pêdiviya me bi parastina zimanê me heye, îca nivisandina bi kurdî şêweyek ji şêweyên parastina ziman e.

 Holenda