Rexne

-----------------------------

Gunehê kê ye?

Berî çar pênc rojan li ser daxwaza dostekî derbasî malpera welate-me.net bûm. Piştî min nivîsa nivîskarê kurd Silêman Azer a di bin navê “”Cubran.X.C...bi kurdî naxwîne..? “”, xwend, min çavên xwe li nivîsin din gerandin, rabû min ev helbest..pexşan..nizanim çi navî lê bikim ya Evîn Şikakî xwend.

Ji ber

Evin Şikakî (Evîn)

Ji ber ko
min dizanî (ez dizanim yan min dizanî bû)
ezê gelekî
li heêvya te bimînim (li hêviya..)
bendewariyê
temenê xo (xwe[yekîtiya ziman])

hemî gorî minkir (hemî bi gorî min kir)

Jiber ko ( ji ber..)
Buhar
bi destê te
şîndihat (şîn dihat)
çuka hêlînên xwe(çûkan)
dinav tiliyê tede (di nav tiliyên te de)
avakirin (ava kirin)

Jiber ko (ji ber..)
Xewna min
hê dilandikê deye ( hê di landikê de ye)
min yek kiras
jêre nedirutin (jê re ne dirût)

 http://www.welate-me.com/kurdi/modules.php?name=News&file=article&sid=1139

 Nivîsa bi rengê reş nivîsandina wê ye û ya bi rengê sor serastkirina min e.

Gelî xwendevanan; hûn helwesta xwe bêjin, ka şaşî û guneh a/ê kê ye? Ji we dipirsim, yê nivîskarê ye an yê malperê ye? Eger hûn ji min bipirsin, ez ê bêjim her du zimanê kurdî têk dibin, û her du ango (Evîn û malper) hemû nivîskar û zimanzanên kurdan hov û nezan dibînin, ji ber ko ne wisan ba dê ji wan şerm bikirna û belav ne dikirin.

Min berî çend salan di gotarek xwe de nivîsandibû; bi sedên salan e dujminan nikarîbûn zimanê kurdî tune bikin(mîna bakurê dil), lê ana û di dema internet de ev yek dê bi hesanî bibe, ji ber internet bûye mîna bermîla şopê, kî tê qirêja xwe tê de vala dike, ji xwe xwediyên ziman jî tune ne, eger partî, dezgeh û Institût bin, ew jî bi serok û bi bercewendiyên kesane ve mijûl in.

Bi hêviya ko sî-çil şixtik mixtikên din î wisa di rêza Şahmaran de çap nebin û nebin pirtûk. Mane Evîn Şikakî jî jin e. Hêjayî gotinê ye, ko Şahmaran taybet e bo berhemên nivîskarên jin ên kurd û heta niha ji hemû parçeyên Kurdistanê gelek berhem di vê rêzê de çap kirine.

Ana hin jinên qaşo nivîskar, ew yên ko tenê dizanin sixêfan binivîsînin û merovan ne li ser tiştekî bi kujtina jinan tawanbar bikin, dê bêjin; dîsa Q. Şêrîn şerê jinan kir, lê eger hûn zikêşiya li ser ziman şer dibînin, fermo dîsa berê tifinga xwe bidin sênga pênûsa min.
Ji xwe hinan berî ana, dema min li ser çapxaneyên kurdan nivîsandibû, helwesta min û guleyên dujmin mîna hev dîtibûn, çimkî helwesta min li xweşiya wan nehatibû. Li gor bîr û boçûnên wan an tê pesnê wan bide an tu xayîn û tiştin din î.

Dîsa dibêjim; rexne di civaka nezan û li paşmayî de rexnevanan ceza dike, bi taybetî dema rexne pişta bercewendiyên hin kesan dişkîne.

Li dawî, ne ji ber ko E. Şikakî jin e li ser dinivîsim, xwezî ew şixtik mixtikên li jor a mêrekî bana dako gumana şaş û bê wate jî nebûba, lê tenê ji bo ko bang li xwedî û sernivîserên malperên kurdan bikim; xwezî hûn ji wisan bêhtir û baştir xwedî li zimanê me û xwe û kurdên dema xirecira internet xwedî derkevin. Xwezî hûn di dema internet de rola dujminan di têkbirina zimanê kurdî de nelîzin.

Û hûn sax…

08/07/2008