Qilçix

                                Gulê -> Gulîstan -> Kulistan

 Ta nivîsandina vê Qilçixê ji min weyê jinên xweşik û spehî gunehan nakin, ji min weyê jinên xweşik jibilî yezdanê dilovan perwane û perîne li vê dunyaya saro-germo da jiyana mere xweş û geş bikin û mere ji gunehan bişon, lê dema ev jinên wek pêxemberan gunehek an jî şaşîtiyek çuqasî biçûk dikin mere wan guneh û şaşîtiyan pir mezin dibîne. Ev jinên xweşik xweda ew dane ne ku xwe veşêrin û mere wan nebîne, belê da mere wan ji hemû alî de û bi hemû awayan bibîne çimkî mere bi wan ji jiyanê û ji jinên ne xweşik hesdike lê ku ev jinên xweşik û spehî xwedî rih û rawanekî kirêtbin wê çaxê dunya û jiyan li mere teng dibe û ber bi wêranêde dire. Xweda jinên xweşik dide da li şûna pêxemberan rûnin û pêxemberan dilê kesekî ne hiştine, kesek ji xwe ne xeyidandine û guneh û şaşîtî jî nekirine. Lê jinên xweşik bê hiş û hovin jî.

Gulîsatan perwer ya ku ez wê nadim bi malê hind û yemenê, ya ku di destpêka xwe de gulek bû  di dûv re bû gulîstanek gul û di dûvretir bû kurdistan di hiş û ramanên min de, min pir ji wê heskir, gelek çaxan ji dilbera xwe bêhtir, gelek caran min di nava xwede digot:-gelo heye carekê hemû jinên kurda bibin wek Gulîstan perwer xwîn û rih û ziman şêrîn, gelo heye carekê bibin wek wê jîr û zana û pêwend, ji xwe xweşibûn û spehîbûn wê ji kesekîre nehiştibû (bi taybetî piştî çûna Emerîka û…), û jiber vê yekê min ji wê heskir wek ez ji dê û xuşk û dilber û welat hesbikim, helbet gelekên weke min jî hene û di nav hemû welat û miletande jî wisaye, hinek kes Madona xweşiktir û baştir jin û dengbêj di dunyayêde dibînin, hinek jî C.Jakson, hinek din Sîlin Diyon, lê ku Madona an jî C.Jakson an jî Sîlin Diyon guneh û şaşîtiyan di derheqa xoşevîyên xwede bikin helbet dê keleha heskirina wan biherife, wisa jî Gulîstan perwer. Dema di hevpeyvînek xwe de (kovara Al-musteqbel ya Libnanê) got:-ez ji malbatek pir bi nav û deng û kevnarimim di nav Kurdan de, malbata min berhema çand û kelepora ku temenê wê Hezar sale û bi dibistana Ehmedê Xanî dest pê dike, diya xwe jî ji Gêlaniyan dibîne yên mirîdên wan li her çar perçên kurdistanê hene.

Di hevpeyvînek dî de di Rojnameya Al-Hayat ya li Londonê bi Erebî dertê di bersiva pirsekê de dibêje ku ew li dengbêjên ereb ên kilasîk û nûjen guhdar dike, lê wek ez dizanim Gulîstan perwer bi erebî nizane (muzîk zimanekî cîhanî ye) û ereb jî li wan dengbêjan yên wê bi nav kiribûn guhdar nakin lê xuya dike yê hevpeyvîn pêre kiribû wî ewqas nav nivîsandibûn çimkî ew baş li wan guhdar dike, ya din Gulîstan Perwer-dilber û dayka çil milyon Kurd- ma Ehmedê Xanî di çi salê de ji dayka xwe bû te ew hezar salî bi paş de vegerandiye ta tu xwe bi wî mezin bike, mane wî di Mem û Zîna xwe de gotiye:

Dema ji xeybê  fik bû

Tarîx hezar û şêst û yekbû

Ango di sala 1061 ê hicrê de, (1061h + 580 = 1641z, 2002z- 1641h = 361), yan jî di sala 1641z  bigir ev 361 salên wî lê tu çima wî hezar salî vedigerîne bi paş de, xuyaye Gulê tiştekî li ser kilasîkên Kurd nizane tenê dizane xwe bi wan mezin û payebilind bike yan jî tenê navên wan bihîstiye.

Lê ya ku ew ji qata yazdehan daxist qata yekê û ew ji pêxembertiyê daxist şûna mirîdekî bê bahwer çûna wê ya Telefizyonê ye û çêkirina programan û hevpeyvîna bi dengbêjên ne dengbêjre û gotin û pirsên xilo-xavî wek:-tu ji kutilkan an ji şamborekan hesdike ?, -mirîşkên we liser motkan an liser pîvazên spî hêkan dikin ?.

Hêvya me ji te ne ev bû, me wêneyê te bi malên xwe ve daliqandibû û me kelehên heskirinê ji te re di dilê xwe de ava kiribûn, lê te lingê xwe li her tuştî xist dema te kesin ne tuştek li ser serê me kirin dengbêjin mezin û bi nav û deng û te programên zendî bi wan re çêkirin û te pirsên bê tam û bê wate ji wan kirin wek:-ka bi xêra xwe ji min re bibêje xerbî çine û aşitî çine li herêma Qamişlo ?, di dema em dixwazin vê yekê ji nav xwe hilînin û neînin ser ziman tu di programên zendî de vê yekê gift û go dike.

Roja îro bigir şeş milyar mirov liser rûyê vê dunyaya xweş dijîn û hemû jî bahwerya wan bi pêxemberan heye ligel ku kesekî ji wan pêxember nedîtine, ev jî tu ye Gulê ku dîtina te ji mere hisret ba emê bibana ji mirîdên te, ku te bigota bimrin emê bimrana te bigota rabin emê rabana.

Ne ez û ne kesekî dî em ne dujî çûna te ya telefizyonê û çêkirina programên zendî ne lê em hemû dujî tuştekî ne:- tu kesin ne kes –dengbêjin ne dengbêj –mirovin ne tuştek liser serê me dike dengbêjin pir mezin û bi nav û deng û xwezî tuştek liser mûzîk û dengbêjiyê bizanîbana jî. Lê jiber tuştekî nizanin û ji koka xwede ne dengbêjin belê bi mûzîk û strana kurdî dilîzin tu jî wan pirsên bê wate ji wan dike wek:

-tu xerbîye an tu aşîtî ye?

-hûn qitîtkan çilo çêdikin?

-sehên we bi şev dikin ewt-ewt?

-gelo mirîşkên we hêkên du zerdikî dikin?

-jinên we dizanin xwrinên xweş çêbikin?

-tu dikare carekê xwrinek xweş ji minre Fax bike?

-qîzên gundê we bentelonên Koboy li xwe dikin?

Li dawî ma dengbêj nemane tu wan dengbêjên ne dengbêj pêşkêşî çil milyon kurd dike yan sedemin dî hene em nizanin. Dibe yek ji wan sedeman bi wateya gotina tebe, dema mirovekî telefon kir da tu carekê Şivan Perewer biborin Şivan Perwer bike mêvanê xwe te gotibû:- Ev televîzyon bi xwîna şehîdan hatiye çêkirin, me ked di ber wê de daye..,hinek maye tu bibêje:- malbata şehîd nedabin çênabe li telefizyona me temaşe bikin.

     Li dawiya dawî - Cilên te pir xweşikin….