Qilçix

Daxuyaniya damezirandina Partiya Narîn Remo ya demuqrat a kurd li Sûriyê ji bo yekîtî û rêzgarkirina kurdistanê hate ragihandin.

Navê partiyê hîna demikîye, di pêşerojê de û piştî yekkirina tevgerê li rojavayê Kurdistanê dê bibe; Partiya Narîn Remo ya demuqrat a Kurdistanê, sedema vê yekê jî diyar kiriye, li cihekî nivîsandiye; ezê di kaniya di navbera her du çiyan de her çar perçeyên Kurdistanê bi yek im.

Lingên Narîn Remo wek aleke serfiraz tim bilind in.

Di daxuyaniya damezirandina partiya xwe de Narîn Remo diyar dike ko wê ji bo yekkirina tevgera kurd partiya xwe damezirandiye. Jixwe ew diyar dike ko ew ê bi şêweyê xwe yê taybet tevgerê bike yek, di hevokekê de nivîsandiye: ko tu jineke xweşik û spehî bî tu dikarî her tiştî bikî, ne tenê tu dikarî tevgera kurd li rojavayî Kurdistanê bikî yek, belê di nav lingan de miletê kurd hemû dibe yek, li ser textê razanê ne tenê partî û helwest dibin yek, belê Kurdistan jî rêzgar dibe. Helwest bi pişthatina serok û zimandirêjan re li ser sênga min î gewr û spehî şaşo maşo dibin. Di navbera her du memikên min de helwest gêj û bê nirx dibin.

Dema ling bilind dibin, gurkan û şoreş zîz dibin.

Narîn Remo li dawiya daxuyaniya xwe diyar dike, çilo ew ê bikaribe tevgera kurd li rojavayê kurdistanê bi yek e, wê nivîsandiye: berî ko pişta qaşo serok û rêberên partiyan bê ez laşê xwe yî şayîk ji bin wan dikşînim, dikin hewar û gazî, tenê vê carê, ji bo xwedê, ez kûçkê te me, tenê vê carê, dibin seh, dibin wek zarokekî piçûk, wê çaxê ez soza berdana serokatiyê ji wan distînim, yê ko soz dide dîsa ez dikevim bin û nava wî hênik dikim û yê ko sozê nede ez wek sehekî û bi sê tifan wî diqewitînim, carekê min yek şilfî tazî wek ko ji diya xwe re bûbû qewitand, min cilên wî veşartibûn. Ko ne wisa be partîyên me nabin yek û nêzîkî hevûdu nabin.

Narîn Remo li cihekî din diyar dike, ko niha partiyên herêmî têne damezirandin, serê herêmekê partiyek û qet nabe ji herêmên din kesek bibe endam, li vir nimûneyekê di derbarê malperên kurdan de tîne, wek; malpera Qamişlo.com, qamişlo.de, amude.com, amude.info, tirbespi.com, serekanye.com, kobani.com, efrin.net, derkahemko.com, derik.com. ma ev tê çi wateyê ko her êlek jî malperekê bi navê êla xwe veke, wek; mersini.com. gabara.com. bublani.com, heverka.com, berazi.com, û bila wêneyên axayên xwe bixin rûpela sereke de. Di demeke nêzîk de dê di rûpela sereke de di malperan de bê nivîsandin: yê ko ne ji bajarê me be, ne ji êla me be bila nekeve malpera me, jixwe berê tiştekî wisa heye, Efrînî pêşî dikevin Efrin.net, Qamişlokî dikevin qamislo.com, Amûdî dikevin amude.com..htd.

Her wisa Narîn Remo di daxuyaniya xwe de sedeman diyar dike, çima û ji bo çi wê navê xwe li partiya xwe kirye, di rêza sî û sisiyan de dibêje: li gor ko ez dizanim niha çil û şeş partî li rojavayî Kurdistanê hene û her partiyekê navek li xwe kirye, ewqas nav ji ku anîne ez jî nizanim, nav nemane û li xwe nekirne, nav nehiştine û li xwe nekirne, merov di nav wan de şaşo maşo dibe, ko tu navê serok nebêjî ne partî tê naskirin û ne jî mebesta te tê ragihandin, min ev yek baş lêkolîn kir dako navekî wek hemû navanên ko xweda ji bo partiyan dane li partiya xwe bikim, mexabin min nedît, ma partiyan nav hiştine û li xwe nekirne, êdî ez mecbûr mam navê xwe li partiya xwe bikim; Partiya Narîn Remo ya demuqrat a kurd li Sûriyê.

Narîn Remo bi tenha xwe partiyeke.

Ew dinivîse ko ew endaman napejirîne, bi tenha xwe dikare bi rola partiyekê rabe, belê dikare bi rola yazde partiyan jî rabe, ewê nivîsandiye ko ne ji bo bercewendiya kurd û kurdistanê biwa ewê ev karê giran nedikir, ewê lingên xwe ji kesîre bilind nedikir, helwesta serokan li ser sêng û di nav lingên xwe de nedikir yek. Ez dizanim niha kurd di pişt min re çi dibêjin; Narîn qehpe..Narîn şermûte..Narîn qûndeye..Narîn bê şeref û bê namûse, xwedyê wê nînin, ko bav û birayê wê hebana wê pozê û guhê wê jêkirna dako biba ders ji bo her şermûtê. Lê gelo ma karê ez dikim bê şerefî û bê namûsîye?. Ma ez ji bo kê dikim?, ez ji bo bercewendiya gelê kurd lingê xwe ji serokan re hildidim, ta niha min şeş partî di zevîya sênga xwe ya boz û di nav lingên xwe de kirine yek, ma ev hindike, ko ne bi vî şêweyî ba nedibûn yek, îca kî ji me şermûte ez yan ew ên ko ji ber rêzefilmên bi zimanê serdestan ranabin û ev nav li min kirne û li mala xwe rûniştîne û tiştekî ji kurdayetiyê re nakin. Helwesta min ji ya gelek serokan pîroztire..jixwe gelek serok hene bê helwest in, helwesta min di linghildanê deye û ev hevraziya mêrantiyê ye, ez ji bo netewa xwe lingên xwe bilind dikin, ji bo rêzgarkirina welatê xwe lingên xwe bilind dikim, ji bo yekkirina tevgerê lingên xwe bilind dikim, ma ev çi ye?, ma ev ne helwest e?, ji bo kurd û Kurdistanê ev yek ji 11 000 daxuyanî bi sûd û çêtire. Lê ew ên din ji bo kê lingên xwe bilind dikin, mebesta min ne jinên seroka ne, jixwe jinên serokan ji çêkirina xwarê û rûniştina li ber ekranên rêzefilmên serdestan pêve tiştekî nizanin. Di derbarê vê yekê de Simkoyê Qado lêkolîn kir, di encamê de diyar bû ko ji nav jinên çil û şeş serokên partiyan tenê didu xwendin û nivîsandina bi kurdî diqerqitînin. Li mala bavê siwaran be, weyla hun bi qurbana min bin û hew. Narîn dide diyar kirin ko serok û rêberên van partiyan nikarin jinên xwe ji xwendina nûçeyên di derbarê Nansî Ecrem de û rûniştina li ber ekranên rêzefilmên televizyonên serdestan rêzgar bikin, îca çilo dê welatekî rêzgar bikin, ez jî nizanim.

Çi dema Kurdistan rêzgar kirin, ezê jî lingên xwe wek aleke rizyayî daxînim.

Ko carekê ji caran Kurdistan rêzgar bû, wê rewşa min çi be gelo, dê kesek bîra min bibe, nizanim, destê min li ser dilê min e, evqas linghildan, evqas karê pîroz û giran ji kurd û kurdistanê re dikim û pêşeroja xwe nizanim, ez bitirsim piştguh bibim.. de bila Kurdistanê rêzgar bikin, wê demê ezê jî lingên xwe wek aleke rizyayî daxînin û xwe rihet bikim. Hesp dike siwar dixwe. Hinek dikin hinek dixwin.