Qilçix

Terorîzim,
Teba çûn, terorîst hatin

Çi cudahî di navbera lawirên hov (Teba) û terorîstan de heye?, di dema ko her du zarok, jin, kal û merovên bêgunehan dikujin.

Di du sê salên dawî de, di dema dawî de dunya hemû bûye bendek li dujî Terorîzmê, terorîst jî ji kaniya welatên musulman der dibin, lê ne hemû musulman teroristin, bi taybetî ji welatên ereb, di dema ko gerek ev hevalbendî ji zû ve biba. Hevbendiyek cîhanî li dujî Terorîzmê ava dibe da wê ji bingeha wê de rakin, lê helbet ev yek dê zor be çimkî terorîst û rêxistinên Terorîzmî pir bûne û şax û paxên xwe li gelek deveran belav û berdane, ji nexweşiya penceşêrê dijwartire û hemû welat û miletên dunyayê dê jê binalin, dê derd û êşan bibînin û bikşînin.

Lê ma gelo Terorîzmî çiye û ji ku derket, ji ku derbû û li ku heye. ?

Wek ji her kesî re diyare dunya hemû ber bi demuqratî û mafê mirovan ve diçe ji bilî welatên Ereb û Musulmanan, tenê ew welat li şûna xwe dimînin û pêşketin di vî warîde bi wan re çênabe. Rêjîmên dîktator tucarî milet û welatan ber bi demuqratî û mafên mirovan de najon, çimkî ev rêjîm ne bi awayekî rast û durust li ser serê milet û welat rûniştine, ew jî fêrî demuqratiyetê nebûne, tu felsefe jî ji wan re nîne, çavên wan bar nabe rewşa miletê xwe xweş û baştir bikin, hemû bi awayên leşkerî û diktatorî dibin serok û xwe bi awayên diktatorî diparêzin. Li welatên musulmanan û bi taybetî li welatên Ereban çi serok û rêjîm bi awayekî demuqratî hatiye ser serê welat ?.û ji bo xwe bi parêzin di dîroka xwe de rê nedane partî û tevgerên pêşverû û demuqratî, belê ew tune kirine, bi hemû awayên hovitî û ne mirovantî. Li welatên musulmanan tevgerên pêşverû qedexene lê ku peyda bibin jî bi lez û bez di zindanan de tune û nebedî dibin. Da van kesan ango kes û partiyên pêşverû dan ser rêyeke dî, rêya berevajî demuqratî û pêşverûyê, dan ser rêya musulmantiyê, di bawerya wan de rêjîmên Ereb û musulman nikarin wan qedexe bikin, di destpêka xwe de kirin ku şerê rêjîmên xwe bikin wek li Sûryê û Mesrê û Cezaîrê çêbû lê dîsa hatin nebedîkirin. Di dema ku pêşverûbûn van partî û tevgeran bi rêjîmên welatên xwe nikarîbûn, bûn tevgerên musulman jî dîsa bi wan rêjîmên diktator nikarîbûn da bûn Terorîzim. Di baweriya wan de ku di rêya Terorîzmê de dikarin hinek ji hêviyên xwe pêk bînin, lê dîsa nikarîbûn li dujî rêjîmên welatê xwe şer bikirina da şerê xwe ajotin ber bi Emerîka û Ewrupa de.

Helbet li welatên Ereban azadî û demuqratî nîne, mafê mirovan nîne, da gelek kes dibin Terorîst, yê ko ne topek li ber teqandinê be jî, bi nerîn, bîr û boçûnên xwe dibe terorîst û netew û civakên din tune dikin, teroristî ne tenê bi kuştinê dibe û birêve dire, belê bi şêweyin din jî dibe û bi rêve dire.

Ko Emerîka û hevbendiya cîhanî bixwazin Terorîzim tune bibe û ji kok de rabe bila hemû serokên ereban hilînin û kesin demuqratî li şûna wan deynin da ji milet û welatên xwe re başbin, ma gelo Terorîstê wek Sedam Husên li kû  hene, ma gelo rêjîm wek ya Sûryê viroker û zalim li ku heye, di dema ku Israîl tawanbar dike bi zulma ku li Felestîniyan dike ew zulmê li Kurdan dike, kesên wisa ne hêjane di vê dunyaya xweş û şêrîn de bijîn. Ev serok û rêjîmên Ereb di çavên Emerîka û hemû dunyayêde rêjîmin ne rast û durustin ji ber vê yekê kesek wan xurt û mezin nabîne, tu welat û bi taybetî Emerîka qedrê wan nagre, kesek ji wan natirse ji bilî miletên wan. Rêjîmên Ereb wek bavê ku zulmê li kufletê xwe bike, da çawa bahweriya miletên cîhanê dê bi wan bê û ji ber vê yekê dibin jêdera Terorîzmê. Ereb û musulman tinazên xwe bi demqratiyetê dikin, di dema ku kesek ne ji dûr ne ji nêzîk nikare nêzîkî serokên wan bibe, mirovek dibêje: „Li Emerîka demuqratiyet heye çimkî her kes dikare di xwenîşêdanan de sixêfan bike serok”, yê Ereb lê divedgerîne û dibêje: li gel me Ereban jî demuqratî heye çimkî herkes dikare sixêfan bike serokê Emerîka bê ku bête girtin.

Pêşektin li welatên musulman wek meşa Reqê ber bi pêşerojê ve diçe.

Li welatên musulmanan ol û Dewlet ji hevûdu ne cudane, wek li Europa bû, lê dîsa musulman hêvî û daxwazên xwe di hikûmeta xwe ya musulmande nabînin da herdu alî li dujî hev dibin Terorîst, naxwe çima dizî, zina, bertîlxur, kujtin, zulm, bêbextî, ne mirovantî, derew, malxurî, ne dadmendî, telaqreşî, hevûdu tunekirin…li welatên musulmanan û bi taybetî li welatên Ereban hene li gel ko li gor ola musulmantî ewqas tişt qedexe ne. ji ber ko merovê musulman û bi taybetî merovê ereb ji her tuştî bê parin û jiyana wan di welatê wan de mîna ya koleyaye, ne xweşe, jahr e, ji ber ko hikûmet jiyana miletê xwe xweş nake da dibin dujminê ol û welatê xwe, dibin dujminê her tuştî, di dema bi hikûmetê nikarin bi ola xwe dikarin, bi dîwaran re şer dikin, lê nayê ji bîr kirin ku ola musulman di destpêka xwe de bi van xerabiyan destpêkir, bi êrîş û xwînê û kujtinê hate ava û belav kirin wek ku li Kurdistanê bû.

Ev rewşa xerab ya ku miletên musulman ji ber serdarên welatên xwe têdene hiştiye ko bibin Terorîst.

Lê gelo çima Teroristiya xwe di gelek war û deman de li dujî Emerîka û Europa pêktînin, helbet du sedem hene:

1-jiyan û rewşa wan ya xerab ji ber serdarên diktator û ne çareserkirina vê rewşa xerab.

2-di bawerya wan de ku Emerîka û Europa sedemên vê rewşa xerabin, da dibin Terorîst li dujî Emerîka bi taybetî û welatên rojava bi tevayî.

Ereb nikarin bi kerê dirin kurtên, nikarin bi Emerîka û Israîl dirin bi milet û kêmneteweyên navxwe dikevin.

Ereb mîna balindeyê ko xelkê hemiya dinya wî, wî jî dinya zarokên xwe....êdî hun zanin.

Ji aliyekî dîde miletê Ereb bi taybetî û yên musulman bi tevayî li dujî Emerîka û welatên rojava ne ji ber ku Emerîka wek welatekî ji hemû welatên musulman xurtir û xweştire, hin ji bo jiyanê û hin jî ji bo dunyayê, lê di gelek war û deman de Emerîka jî guneh û şaşîtiyan di derheqa hinek tevgerên musulmande dike bi taybetî tevgerên azadîxwaz li dujî dagîrkerên welatên xwe, Emerîka wan wek Terorîstan dibîne, wek nimûne partî û rêxistinên kurdên bakur wek Terorîstan dibîne lê yên başûr wek welatperw û hevalbend dibîne.

Ji aliyekî dîde ma kê Taleban a Afganistan çêkir, ma ko Usama ben Ladin li welatê xwe Su’ûdyê bikarîba ango mafê wî heba bibe şalyarek an jî mudîrê dibistaneke piçûk ma gelo wê biba Terorîst.

Li weltên musulmanan bi tevayî û li yên Ereban bi taybetî dar û devî nînin, da ew bi oksicîna(O₂) ya Emerîka û Europa dijîn, û li gora ola wan hirame, çimkî ne buhayê wê didin û ne jî diyarî ji wan re tê pêşkêşkirin, di dema ko ereban bi petrola xwe dunya xwarine û buha didin û difroşin, gerek Europa û Emerîka jî buhayê oksicîna(O₂) ji wan bistînin, ew dar û deviyan radikin û naçînin, xerabiya dunyayê hemû li wan welatan heye ma naxwe çima ewqas penaber ji welatên musulman li welatên Rojava((gawiran)) hene, ta kengî dê zulm û zordarî ji birayê musulman li birayê musulman bibe, ta kengî dê kur û dê ji hevûdu veqetin, ma gelo kengî dê dunya bibe buhuşt bê zulm û zordarî.?. Çi çaxa ko Ereb û musulmanan gotin ji bilî me jî kesin din li welatên me, di nav mede hene ji mafê wan e jî bijîn, çi çaxa ko ereban gotin; ji mafê kurdaye jî wek milet bijîn û ne gotin ko Kurd dixwazin Israîleke duyem di herêmê de ava û biçînin, wê çaxê bizanibin ko dawya dunyê ye, û ev dûre ji wan.

Ji rewşa rojhilata navîn diyar e ko di salên pêş de dê gelek şer û ceng li darkevin û teror firehtir bibe, dibe ko musulman xwe bi xwe bi hev kevin, wek ko gelek caran bi hev ketine, qaşo birayên hevûdu ne di musulmantiyê de.

Holland.11/11/2001, nûkirin 08/09/2006